Carl Just blir gjerne rekna som journalistfagets grunnleggjar i Noreg, medan Hans Aarnes nesten er gløymd. Professor Johann Roppen argumenterer for at Aarnes både var tidlegare ute og på mange måtar meir moderne enn Just. I tillegg deltok Aarnes aktivt i pressedebattane i mellomkrigstida. Ei mogleg forklaring på at Aarnes har blitt gløymd, er at han for det meste arbeidde som journalist utanfor Oslo – og at han skreiv på nynorsk.
